以前用E-M1 MARK II 用全域C-AF泡泡追焦, 好多時佢追追下就飛左去背景失哂焦... 但其實部機有個功能叫 "AF限制器" 以前聽個名都唔知做乜, 入面只有"開"同"關", 好似冇咩用咁, 但其實....

係SETTING A1版就會搵到 "AF限制器" , 入去選擇"開" 再按右, 就會出現 "距離設定"

可以自行設定3組距離限制 , 係設定入面可以由000.0m 至000.0自由設定, 假如拍攝目標大約會出現在 5m-9m 距離 , 只要設定成005.0m~009.0m,  c-af中啲泡泡絕對唔會出現在10米以外既背景.

而"AF限制器"可以設定成快捷鍵, 例如鏡上粒L-nF, 按實轉 dial 就可以係 無限制 , 設計1-~3 中 快速變換追焦距離..

好神奇地用左靈敏度+2但無論鏡前有咩行過都完全唔會干擾到你追緊個目標, 啲泡泡永遠都會咬實個人,  好多時用75/1.8 , 42.5/1.2 呢啲 定焦鏡去追焦, 通常係半身至全身, 對焦距離一早已定, 即係話只要設定左  "AF限制器"去追其實根本唔會追失焦.

好低能用左部機成年而家先知啲咁好用既功能.....

聽日我會去實戰下, 試完再報告下.